გემო და ხარისხი, რომელსაც ქუთაისი უკვე 32 წელზე მეტია ენდობა!
1992 წელს ქ. ქუთაისში, წმ. სამების #25-ში, იროდი სახოკიამ და გიორგი გრიგოლავამ დაარსეს მცირე კვების საწარმო, რომელიც აწარმოებდა ორი სახის ხორცპროდუქტს. პროდუქციამ მოწონება დაიმსახურა ადგილობრივ ბაზარზე და მასზე ყოველდღიურად იზრდებოდა მოთხოვნა. 1994 წელს საქმიანობაში ჩაერთო ჯელინი გოქაძე, რის შემდეგაც წარმოებამ გაფართოება გააგრძელა, მაგრამ 2001 წლის საერთო ფინანსური კრიზისის გამო, საწარმომ შეწყვიტა მუშაობა. ამავე წელს არსებულ ბაზარზე ახალი დაფინანსებით, სტრატეგიითა და გეგმებით შეიქმნა კვების საწარმო შპს „გურმანი".
„გურმანის“ ისტორია მრავალი დაბრკოლების, ფინანსური კრიზისისა და რთული გადაწყვეტილების ისტორიაა. წლების განმავლობაში არაერთხელ გვქონდა სწრაფად გაფართოების შესაძლებლობა, თუმცა ეს ხარისხზე კომპრომისის დაშვებას მოითხოვდა. ჩვენ კი ნელი, მაგრამ ღირებულებების ერთგული განვითარება ავირჩიეთ.
დღემდე საუკეთესო ხარისხის ინგრედიენტებს ვირჩევთ და თითოეულ კერძს ისეთივე პასუხისმგებლობით ვამზადებთ, როგორც საკუთარი ოჯახისთვის. სწორედ ასე შევინარჩუნეთ ჩვენი მთავარი ღირებულებები: ნამდვილი გემო, უცვლელი ხარისხი და მომხმარებლის ნდობა!
გურმანის პროდუქცია ადგილობრივი ნედლეულისგან იწარმოება.
ყველა პროდუქტი ჩვენივე ქუთაისის საწარმოში მზადდება.
იმავე დღეს პროდუქტი ჩვენი მაღაზიების დახლებზე ხვდება.
ნებისმიერ დროს დააგემოვნეთ სრული ასორტიმენტი.
თუ გსურთ გახდეთ გურმანის წევრი, ვაკანსიასთან დაკავშირებით მოგვმართეთ.
დაგვიკავშირდით